Hjartavernd/Hjartarannsókn býr að tæplega 40 ára reynslu af rannsóknum á sviði hjarta- og æðasjúdóma með það að markmiði að draga úr tíðni þeirra og stuðla að forvörnum með áhættumati og fræðslu fyrir almenning.
Í áranna rás hefur áhættumatið þróast og í dag leggur Hjartarannsókn áherslu á ítarlegt áhættumat byggt á vísindalegum grunni, framkvæmt af færustu sérfræðingum þar sem fylgt er alþjóðlega viðurkenndum stöðlum, blóðmælingar eru gerðar á gæðavottaðri rannsóknarstofu, matið er faglegt, kerfisbundið og allir fá skoðun og viðtal við hjartasérfræðing.