Í dag á blaðamannafundi klukkan 14:00 ýtir Hjartavernd úr vör Evrópsku stefnuskránni um heilbrigði hjartans í samstarfi við Hjartasjúkdómafélag íslenskra lækna að viðstöddum heilbrigðisráðherra Guðlaugi Þór Þórðarsyni og sérstökum gesti Hjartaverndar prófessor John Martin sem er einn af aðalhvatamönnum stefnuskrárinnar.

Fréttatilkynning hefur verið send út og má nálagast hana hér
Hægt er að fara á heimasíða Evrópsku stefnuskráinnar um heilbrigði hjartans hér

Næstkomandi laugardag fer Reykjavíkurmaraþon Glitnis fram. Glitnir heitir á starfsmenn sína og viðskiptavini sem taka þátt í hlaupinu. Þeir sem hlaupa ákveða sjálfir hvaða góðgerðarsamtök njóta góðs af þátttökunni. Glitnir greiðir 500 krónur til fyrir hvern kílómetra sem þeir hlaupa.
Vinir og velunnarar þessara viðskiptavina geta jafnframt heitið á þá í hlaupinu. Þannig hvetja þeir viðkomandi til dáða og láta um leið gott af sér leiða og vill Hjartavernd hvetja alla velunnara sína til að heita á þá hlaupara sem hlaupa þágu Hjartaverndar. Hægt er að heita á hlaupara með því að smella hér

Þann 29. júní undirrituðu Vilmundur Guðnason forstöðulæknir Hjartaverndar og Kristín Ingólfsdóttir rektor Háskóla Íslands samstarfssamning um kennslu og rannsóknir með sérstakri áherslu á lýðheilsuvísindi.
Tilgangurinn er að efla samstarf Háskóla Íslands og Rannsóknarstöðvar Hjartaverndar á sem breiðustum grunni. Markmiðið er að fræðimenn beggja stofnana vinni saman að því að skilgreina rannsóknaverkefni sem meistara- og doktorsnemum í lýðheilsuvísindum og öðrum vísindagreinum býðst að vinna að undir leiðsögn starfsfólks Hjartaverndar og Miðstöðvar HÍ í lýðheilsuvísindum.
Þannig hafa meistar- og doktorsnemar kost á því að svara mikilvægum rannsóknarspurningum sem snerta lýðheilsu úr faraldsfræðilegum rannsóknargrunnum Hjartaverndar en gögn stofnunarinnar þykja á alþjóðlegum mælikvarða framúrskarandi.