Tveir nýir starfsmen hafa hafið störf hjá Hjartarannsókn. Þau eru Jón Magnús Kristjánsson bráðalæknir og Anna Ólafsdóttir hjúkrunarfræðingur sem mun leysa Bylgju Rún Stefánsdóttur af í fæðingarorlofi.

Hjartarannsókn hvetur fólk til að hugsa vel um hjartað og mælir þess vegna með því að fólk láti kanna sína áhættuþætti.  Hjartarannsókn sendir hópi fólks á suðvesturhorni landsins bréf þessa efnis. Áhættumat Hjartarannsóknar stendur öllum opið.  Það felur í sér tvær heimsóknir. Í þeirri fyrri eru gerðar mælingar, tekið hjartalínurit og blóðprufa og í þeirri síðari er ítarlegt viðtal og skoðun hjá sérfræðingi. Kostnaðurinn er 16.390 krónur. Mörg stéttarfélög taka þátt í kostnaði. Tímapantanir og nánari upplýsingar á forsíðu eða í síma 585 4700.